09/11/2013 13:59:19

Xhelozi fqinjësh

nga Gjergj Marku

HermesNews - Kete foto e kam te shkrepur me kosovarin Raif Rexhepin para dhjete viteve, një prishtinas energjik 58 vjeçar, kur kishte vendosur investonte plot 800 mijë dollarë në bregdetin e Shëngjinit për të ngritur kompleksin turistik DORA, një motërzim për nga emri, me bisnesin e suksesshëm që ai posedonte në Kosovë, nuk i kishte vajtur ne mendje se një ditë do të thoshte “Ç’bëra unë i pamend?!...”.

E megjithatë, albanologu pasionant i gjuhësisë shqipe, gazetar i Rilindjes aty nga vitet ’69 dhe ndër të parët mbështetës të Deklaratës Kushtetuese të Kosovës në vitet ’90, shpallur “non grata” nga serbët që atë kohë, pat eksperimentuar këtu tek ish kampi i punëtorëve diçka mes “turizmit patriotik”, siç ka dëshirë ta thërrasë ai, dhe atij komercial, bisnesor. Me një kontratë 20 vjeçare me KSSh-ne pati bërë rehabilitimin e ndërtesave gërmadhë të ish-kampit të punëtorëve dhe pionierëve. Kush i ka parë ato para 10 vitesh nuk i besohej se ç’mrekulli mund të bëjë dora e njeriut si këtu, me rrethimin, pastrimin, lulishtet, ambientet e tjera të jashtme dhe më pastaj me dy godinat.

Të 98 dhomat me 350 shtretër me banjo, kondicioner, klimë system, tv, telefon, ujë dhe energji të garantuar non stop, 2 restorante me 800 ulëse, kuzhinë të pasur kosovare e meny të tjera, plazh të rrethuar dhe të pastër, shezlonge, caffe bar dhe ushqim të shpejtë në plazh, ambulancë me mjek të gatshëm, kënde lojrash për fëmijë, kabina telefonike, shitore etj.

Rexhepi me pati thene ne ate bisede se bregdetin shqiptar sot, mund ta shohësh me dy palë sy, edhe ju gazetarët mund ta fiksoni celuloidin atje tek plehërat, tek ndonjë lopë a tjetër shëmtirë e të trembni njerëzit duke u thënë: ja, ky është plazhi shqiptar! Keto unë i di më mirë se ndonjë tellall në Kosovë. Më qan shpirti që nuk është tërë bregu si këtu brenda “gardhit” të kompleksit tim.

Komunës i kam afruar ndihmën time, ja pyete kryetarin, do të sillja makinë të posaçme për pastrimin dhe dizefektimin e tërë bregut, por ama shteti shqiptar duhet të vërë ligje e jo të lejojë ndërtime të tilla në rërë, siç janë bërë vend e pa vend.. Ndërtesat e qytetit mund të lyhen e zbukurohen, rruga kryesore të shtrohet, uji të vijë pandërprerje, të bëhen trotuare, të ketë lule, pemë e gjithçka grishëse këtu në këtë vend, që e ka fal zoti për bukuri e për kurativ. Do të thuash, kur i di të gjitha këto që nuk janë ende, ç’ti piu mend e kokës që erdhe. Jemi shqiptarë bre, dikush sot duhet të jetë “viktimë” e viteve të para të ecjes sonë turistike, por e nuhas që e ardhmja do të jetë tjetër nga e sotmja, e atëbotë kosovarët do të rranin këtu…

Sot per ate dite!...

Mirepo ajo qe me tronditi para dhjete viteve ne rrefimin e mikut kosovar, kishte te bente me nje fakt, media te paguara ne Kosove e Shqiperi, ne prag sezoni turistik, kishte reklamuar dhjetra kronika me sens negativ, duke dhene imazhe nga Saranda, ne Vlore, Durres, Shengjin e deri ne Velipoje me plehera, mbeturina, bageti ne plazh dhe gjithe pisllekun e dynjase, pa u marre fare me anen atraktive qe sillnin bisnesi te tilla apo peisazhet mahnitese. Dhe e di cfare kishte ndodhur? Shqiperia ate vere humbi plot 400 milion dollare, sepse turistet kosovare u shmangen nga destinacioni turistik i Shqiperise per ne plazhe te tjera! Ky ishte peshqeshi i nje media te papergjegshme qe shitej e blihej per “pese aspra” kunder vendit te vet!

Dhe per cfare, per plehera, mbeturina e lope neper plazh ! Në tregun turistik të Europës Qendrore dhe Lindore Shqipëria asokohe zinte rreth 0.6% të kërkesës totale për turizëm. Por duke qenë një treg gjithmonë në rritje po zgjonte xhelozinë e vendeve fqinje, që kanë vite që mjelin tregun turistik me suksese të mëdha. Të tillë janë thuajse gjithë fqinjët tanë; Greqia, Italia, Mal i Zi, Turqia. Promovimi i Shqipërisë nga agjencitë e këtyre vendeve nuk bëhet ashtu si duhet, sepse kjo do të dëmtonte tregun e tyre turistik.

Po ta zeme, se neser kemi ne territorin shqiptar 1300 ton arme kimike te rrezikshme te demontuara apo te siguruara, sic thone specialistet PRO, a nuk do ishte nje “gur ne dore” per kedo media boterore, qe mund te shitet e blihet per kollaj me me shume se “pese aspra”, ne publikimet me info horror, te qene apo te paqena, fjala bie, per ndotje masive, cili qenka ai turist i cmendur qe do ta preferenonte me destinacionin turistik shqiptar?!

Imagjinojeni per nje moment, sikur per Dubain, qe eshte nje destinacion i pelqyer nderkombetar, nje media nderkombetare te shpikte nje “virus” te paqene derrash a pulash, kush do te shkonte me atje ! Ndaj, per nje arsye me teper edhe te kesaj kategorie, vazhdoj ta them JO ARME KIMIKE SIRIANE ne vendin tim ! Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin