09/11/2013 11:01:12

Gjendet vlonjatët e zhdukur

Gaqo Gjini, Edmond dhe Juxhin Osmanaj, u gjetën në bordin e një gomoneje, e cila u zbulua nga një avion i ''Guardia Di Finanza''

VLORË -Tre qytetarët vlonjatë, që u denoncuan të zhdukur pak ditë më parë, nga familjarë të tyre, u gjetën mëngjesin e të premtes në brigjet e Otrantos(Itali).

Mediat italiane bëjnë të ditur se, Gaqo Gjini, Edmond dhe Juxhin Osmanaj, u gjetën në bordin e një gomoneje, e cila u zbulua nga një avion i “Guardia Di Finanza”.

Tre të mbijetuarit, që kishin mbetur disa ditë në det me mjetin e tyre të defektuar, u nxorrën në breg me një anije shpëtimi dhe më pas u përcollën për në spital, ku morën asistencën e nevojshme mjekësore.

Ata deklaruan se për shkak të një defekti në gomone kishin mbetur të bllokuar në kanalin e Otrantos. Edmond Osmënaj, 58 vjeç, Gaqo Gjini, 33 vjeç dhe Juxhin Osmënaj, humbën kontaktet me familjarë të tyre pasditen e datës 4 nëntor.

Nga ajo çka dëshmoi në komisariat bashkëshortja e 56 vjeçarit Osmënaj, rezulton se ai ishte larguar drejt Italisë mesditën e datës 2 nëntor, me tragetin e linjës me Brindisin. Por, prej pasdites së 4 nëntorit, kur ai komunikoi në celular, nga shteti fqinj, 58 vjeçari humbi çdo kontakt.

Nga ana tjetër, denoncimin për zhdukjen e shtetasit Gaqo Gjini, e ka bërë 27 vjeçari Kristaq Gjini, i cili është shprehur se 33 vjeçari është larguar nga bregdeti i Rradhimës në datën 4 nëntor, duke i thënë se do të dilte për peshkim. Nga ky moment, nuk ka patur asnjë lajm për vendndodhjen e tij.

Pavarësisht se më pas familjarët njoftuan policinë se, kishin komunikuar me të afërmit e tyre që ndodheshin në Korçë, uniformat blu nuk e hoqën masën e kërkimit për tre personat e mësipërm, ndërkohë që u deklarua se do të vijonin hetimet. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin