09/11/2013 10:39:38

Bllokohen 90 kilogramë marijuanë

Droga me destinacion vendin fqinj, Greqinë, u gjet e fshehur në dyshemenë e automjetit

GJIROKASTËR - Policia e Gjirokastrës bllokoi brenda një automjeti në afërsi të fshatit Kordhocë (foto), 90 kg marijuanë, e ardhur nga Lazarati, ndërsa ka vënë në pranga drejtuesin e mjetit me të cilin transportohej droga. Burime zyrtare nga Policia e Jugut konfirmuan të shtunën se lënda narkotike u bllokua në automjetin tip furgon “Vaneo”, me targa AA 897 FU, i drejtuar nga 52 vjeçari nga Fieri, Agron Shpataraku. Marijuana, me destinacion vendin fqinj, Greqinë, u gjet e fshehur në dyshemenë e automjetit. Vetëm këtë muaj, policia e Gjirokastrës ka bllokuar në pesë aksione të ndryshme 800 kg marijuan, ndërsa ka ndaluar 2 persona dhe ka shpallur në kërkim 7 të tjerë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin