08/11/2013 21:46:17

Peticion online kundër asgjësimit të armëve kimike në Shqipëri

''Importi i mbetjeve toksike dhe vdekjeprurëse në territorin e Shqipërisë bie në kundërshtim me interesin tonë kombëtar, me legjislacionin shqipar dhe me vetë politikat e qeverisë aktuale që ka ndaluar importin e cdo lloj mbetje në territorin e Republikës së Shqipërisë''

TIRANE - "Nëpërmjet këtij petiocioni i bëjmë thirrje Qeverisë Shqiptare që të refuzojë kërkesën për të importuar dhe shkatërruar në territorin e Republikës Shqiptare armët kimike të Sirisë", shkruan levizja ''Mjaft'' ne peticionin e vet online. "Importi i mbetjeve toksike dhe vdekjeprurëse në territorin e Shqipërisë bie në kundërshtim me interesin tonë kombëtar, me legjislacionin shqipar dhe me vetë politikat e qeverisë aktuale që ka ndaluar importin e cdo lloj mbetje në territorin e Republikës së Shqipërisë. Sjellja, transportimi dhe shkatërrimi i arëmve kimike përbën një rrezik të lartë si për jetën edhe për territorin e popullit shqiptar. Sidomos në kushtet kur shtetit shqiptar i mungojnë kapacitetet njerëzore, administrative dhe infrastrukturore për të trajtuar mbetje të një rrezikshmërie kaq të lartë sic janë amët kimike të Sirisë. Për të gjitha këto arësye i bëjmë thirrje qeverisë shqiptare që të ndjekë shembullin e shumë vendeve të tjera Europiane dhe t’i thotë jo importit dhe shkatërrimit të armëve kimike në Republikën e Shqipërisë", përfundon thirrja online. Peticioni Na ndiqni dhe në Facebook dhe Twitter

Komunikatë për Shtyp

Dërgo me email | Stampo artikullin