08/11/2013 17:56:34

Politika nuk siguron as sistem të lirë vote në Shqipëri

Amerika dëgjon Bashën: ''besojmë se në themel të çdo demokracie qëndron respekti për shtetin e së drejtës dhe kjo do të raportohet në Washington''

TIRANE - Kryetari i Partisë Demokratike, Lulzim Basha, gjatë takimit të zhvilluar sot me Ambasadorin e SHBA-së në Tiranë, Aleksandër Arvizu, shprehu shqetësimin e opozitës dhe të qytetarëve për sulmin e paprecedentë të votës në Korçë. Basha tha se "ky është sulm i paprecedent ndaj votës së lirë në Korçë, cënimi i themeleve të demokracisë. E njoha ambasadorin Arvizu me këtë shqetësim që vjen pas shqetësimeve të ngritura në raport me shkeljet e e kushtetutës, shkelmimin e shtetit ligjor si dhe sjelljen antiligjore të maxhorancës në të gjitha drejtimet, veçanërisht ndaj institucioneve të pavaruara, emërimet e paligjshme në mënyrë të veçantë në Policinë e Shtetit dhe në gjitha strukturat e shtetit". Ndërsa Ambasadori i SHBA-së, Arvizu, theksoi se "...ne besojmë se në themel të çdo demokracie qëndron respekti për shtetin e së drejtës dhe kjo do të raportohet në Washington dhe do të diskutohet me komunitetin e diplomatëve". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin