07/11/2013 14:16:59

Ngushellime 5 te rinjve pogradecare

Avokati i Popullit percjell ngushellimet zyrtare ndaj tragjedise

TIRANE- Avokati i Popullit po përcjell me shqetësim ngjarjen e rëndë të ndodhur në një minierë në fshatin Beragozhd, në rrethin e Pogradecit, ku humbën jetën 5 të rinj.Në një njoftim për shtyp të Avokatit të Popullit, thuhet se ngjarje të tilla prekin dhe trondisin thellë, jo vetëm familjarët e viktimave, por gjithë shoqërinë dhe opinionin publik. Niveli i varfërisë në vend ka bërë që shumë bashkëqytetarë tanët të kërkojnë mjetet e mbijetesës në mënyra të rrezikshme për jetën.

'Duke marrë shkas nga ngjarja e ndodhur, institucioni i Avokatit të Popullit i shpreh ngushëllimet më të sinqerta familjeve të viktimave dhe ju bën thirrje të gjitha institucioneve përgjegjëse të pushtetit vendor dhe qendror të marrin masa të menjëhershme për të shmangur ngjarje të tilla tragjike.

Një natë më parë, pesë të rinj, vëllezër e kushërinj mes tyre, humbën jetën të asfiksuar në minierën e fshatit Beragozhd, te komunës Dardhas, në Pogradec. Sipas te dhënave të policisë mësohet se viktimat janë tre vëllezërit Edison, Ledjon dhe Nertil Hamolli, përkatësisht 23, 24 dhe 25 vjeç dhe dy vëllezërit e tjerë Sazan dhe Arjan Hamolli, po nga i njëjti trung familjar.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin