07/11/2013 09:47:49

Pogradec: humbin jetën pesë të rinj brenda minierës

Bllokohen brenda minierës së fshatit Beragozhde

TIRANË - Një ngjarje e rëndë ka tronditur qytetin e Pogradecit dhe jo vetëm, ku pesë të rinj që kishin hyrë në minierë për të mbledhur skrap, janë asfiksuar nga gazi, duke gjetur vdekjen. Sipas informacioneve të bëra publike në media, mëngjesin e së mërkurës, 5 të rinjtë kishin hyrë në minierën në minierën e fshatit Beragozhde, të komunës Dardhas në Pogradec, ku dhe kanë mbetur të bllokuar, të asfiksuar nga gazi i minierës. Mësohet se viktima të aksidentit janë vëllezërit Edison, Nertil dhe Ledion Hamolli; 23, 25 dhe 24 vjeç, dhe dy vëllezërit Sazan dhe Arjan Hamolli, 29 vjeç. Deri tani, nga miniera janë nxjerrë trupat e pajetë të dy vëllezërve Edison dhe Nertil Hamolli, ndërsa në vendngjarje, grupi i kërkim-shpëtimit po bëjnë të mundur nxjerjen e 3 trupave të tjerë nga miniera. Po në të njëjtën minierë, një javë më pare, një tjetër i ri mbeti i bllokuar teksa kishte shkuar për të mbledhur skrap, por fatmirësisht ai u nxorr i gjallë nga galeria nga grupi i kërkim-shpëtimi. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin