05/11/2013 19:57:59

Nuk jemi në luftë me BEnë dhe FMNnë !

Mesazhi i Kryeministrit Samaras gjatë vizitës së FMnsë në Athinë

ATHINË - Greqia nuk është në luftë me Bashkimin Europian dhe Fondin Monetar Ndërkombëtar, deklaroi kryeministri grek, Adonis Samaras në prag të mbërritjes së inspektorëve të trojkës së kreditorëve ndërkombëtar në Athinë.Gjatë vizitës në Athinë, ekipi i Fondit Monetar Ndërkombëtar, Komisionit Europian dhe Bankës Qendrore Europiane do të vendosë nëse do t'ia paguajnë Greqisë këstin e ardhshme nga kredia e kontraktuar. "Para së gjithash dëshiroj të them se duhet eliminuar mendimi se jemi në një lloj lufte", deklaroi Samaras duke theksuar se Greqia po zhvillon vetëm negociata. Sipas vlerësimeve të trojkës, deri në vitin 2015 Greqia do të përballet me një deficit financiar prej 10,9 miliardë eurosh. Qeveria e koalicionit e Samarasit paralajmëroi se vendi nuk mund t'i lejojë vetes ulje të reja të rrogave dhe pensioneve. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin