05/11/2013 14:56:37

Nis puna per hetimin e zgjedhjeve per kryetar bashkie ne Korce

Prokuroria po heton listat e shtatit te PS-se Korce

KORCE- Pas rezultateve përfundimtare të zgjedhjeve vendore të 3 nëntorit në Bashkinë Korçë dhe pas shpalljes së kryebashkiakut të ri, Sotiraq Filo, i cili fitoi këto zgjedhje me një diferencë prej 10.690 votash ndaj rivalit të tij Sotiraq Stratobërdha, emisioni “Fiks Fare" në Top Channel, ka denoncuar skandalin e radhës, pagesën prej 2 mijë lekë që u jepej studentëve që shkonin të votonin në zgjedhjet e 3 nëntorit.

Mësohet se prokuroria ka nisur hetimet për blerjen e votave nga shtabi i PS-së në qytetin e Korçës. Sipas burimeve zyrtare nga prokuroria, mësohet se ky institucion pritet të sekuestrojë në cilësinë e provës listat e shtabit të PS-së.

Kryetari i deges se Partisë Socialiste në qytetin e Korçës, Ilir Pendavinji, tha sot se "nuk janë blerë vota për zgjedhjet e 3 nëntorit. Studentëve anëtarë te FRESSH-it, që nuk kishin mundësi financiare të vinin në Korçë për të votuar, u është paguar shpenzimi i udhëtimit". Ai nuk ka dashur të shtojë më tej rreth çështjes duke ia lënë prokurorisë fjalën e fundit. Partia Demokratike ka kërkuar anulimin e zgjedhjeve në Bashkinë e Korçës. Forca politike më e madhe në opozitë, i kërkoi prokurorisë që të nisë hetim të gjithanshëm.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin