05/11/2013 13:54:19

Bllokohen 15 kamione me krom

Ministri Saimir Tahiri niset drejt vendngjarjes

LEZHE- Policia e Lezhës ka bllokuar në orët e para të mëngjesit të sotëm, rreth 15-të kamion të ngarkuar me krom si dhe 5 kamione te tjere te ngarkuar me inerte. Policia e Shtetit thekson se mjetet e bllokuara vinin nga Bulqiza dhe shkonin në drejtim të Durrësit. Mjetet, kamionët i përkisnin disa firmave dhe transportonin lëndën minerale pa asnjë dokument shoqërimi.

Policia nuk bën të ditur emrat e kompanive që i përkasin kamionët e bllokuar me krom, të cilët janë gjetur pa asnjë dokument. Gjithashtu policia ka nisur edhe procedim penal ndaj 15 drejtuesve të mjeteve.

Kamionët pas ndalimit në Milot, ku edhe janë bllokuar, janë dërguar për në Shëngjin, ku janë vendosur në pikën e bllokimit. Nga Ministria e Brendshme është bërë e ditur se Ministri Saimir Tahiri ka planifikuar të niset në drejtim të Lezhës, në vendin ku janë bllokuar kamionët me krom për inspektuar më nga afër dhe të njihet me dinamikat e operacionit të Policisë së Lezhës.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin