05/11/2013 13:40:24

Ndalohen dy shtetas per vjedhje

Akuzohen per mjete te vjedhura jashte vendit

KUKES- Nje shtetas nga Kosova sapo ka hyre në territorin shqiptar eshte ndaluar, pasi rezultonte person në kërkim nga drejtesia e Holandes. Zëdhënësi i Drejtorisë së Policisë së Qarkut të Kukësit, Jaho Caushaj, bëri të ditur se, “në hyrje për në territorin shqptar, në doganën e Qafë Morinës të rrethit të Tropojës, është ndaluar shtetasi kosovar Kastriot Bytyci, 25 vjec, i cili udhëtonte me automjetin e tij tip Voswagen me targë 01 225 GF. Gjatë kontrollit të dokumentacionit të mjetit rezultoi se ai ishte i denoncuar si i vjedhur në Holandë. Menjëherë është bere bllokimi i mjetit dhe ndaj drejtuesit ka nisur procedimi penal për akuzën e trafikut të mjeteve motorrike.

Ndërkohë, në doganën e Morinit të rrethit të Kukësit duke hyrë në territorin shqiptar është ndaluar shtetasi kosovar Ragip Hajdini, 42 vjec, lindur e banues në Pejë. Ai po hynte në territorin shqiptar duke udhëtuar me mjetin tip fuoristradë TOUREG me targë zvicerane. Gjatë kontrollit të dokumentacionit të mjetit në sistemin TIMS rezultoi se ky mjet ishte denoncuar si i vjedhur në Ceki, në muajin qershor të vitit 2012. Menjëherë është bere bllokimi i mjetit, ndërsa ndaj 42 vjecarit ka nisur cështja penale për trafik të mjeteve motorrike.

Vendosja e sistemit TIMS në pikat e kalimit kufitar me Kosovën ka bere që thuajse cdo ditë të ndalohen persona në kërkim nga policia, apo mjete të vjedhura në vende të ndryshme të Evropës.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin