04/11/2013 15:31:47

Shtyhet serisht seanca ndaj Dritan Dajtit

I akuzuari kerkon dokumentacioni e armes se policise

TIRANE- Shtyhet sërish seanca gjyqësore në ngarkim të të pandehurit Dritan Dajti, i cili akuzohet për vrasjen e 4 efektivëve të policisë në datën 7 gusht 2009. Mëngjesin e sotëm në Gjykatën e Krimeve të Rënda është zhvilluar seanca e radhës ndaj Dajtit. I pandehuri ende pa një avokat mbrojtës ka kërkuar dokumentacionin përkatës të armës së efektivit të policisë me inicialet G.B.

"Dua dokumentin e marrjes së armatimit të oficerit të policisë me inicialet G.B., për të provuar nëse pistoleta që oficeri ka dorëzuar për ekspertim ka pasur leje apo jo", tha i pandehuri Dajti.

Dajti ka deklaruar se, "oficeri me inicialet G.B., ka qëlluar me armë në vendin e ngjarjes në shpatull një person me kapuç. Me vonë mësova se ky person me kapuç ishte Kastriot Feskaj". Sipas Dajtit G.B ka pranuar në seancë që ka qëlluar në vendngjarje ndërsa nga ekspertimi rezulton se nga arma e tij nuk u qëllua.

Seancën e kaluar i akuzuari për vrasjen e katër policëve Dritan Dajti hodhi akuza për manipulim të fakteve. Trupi gjykues vendosi shtyrjen e senacës. Dritan Dajti, akuzohet për vrasjen e katër efektivëve të policisë në gusht të vitit 2009, në Durrës, pranë pistës.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin