03/11/2013 12:26:14

Sharon Stone merr çmimin për paqe nga Dalai Lama

Mirënjohje për veprimtarinë e aktores në favor të të sëmurëve me Aids

HermesNews- Jemi mësuar ta admirojmë për bukurinë dhe klasin që e bëjnë gjithnjë e më të rafinuar edhe me kalimin e viteve, por Sharon Stone është shumë më tepër se një femër e bukur apo një aktore e zonja.

Prej vitesh ajo është e angazhuar në fushata bamirësie dhe solidariteti. Në veçanti ajo kujdeset për të sëmurët me Aids dhe shpesh herë ka mbledhur fonde për kërkimet shkencore në favor të të prekurve nga kjo sëmundje vdekjeprurëse.

Vitin që shkoi bëri një puthje publike me Kate Moss. Foto nga e cila përfitoi rreth 35 mijë dollarë, të cilët i dhuroi për të sëmurët me Aids.
Së fundi asaj iu dorëzua “Peace Summet Award” nga Dalai lama, fitues i çmimit Nobel, në shenjë mirënjohjeje për aktivitetin e saj në fushatat e bamirësisë për të gjithë të sëmurët me Aids në mbarë botën.

Cmimi i mirënjohjes iu dorëzua në Varshavë, ku ylli i kinemasë gjendet prej mëse një jave duke diskutuar për tematika të shumta rreth paqes dhe solidaritetit.

Përvec Dalai Lamës, në ceremoninë e dorëzimit të çmimit morën pjesë edhe shumë personalitete të njohura. Mes tyre edhe shumë aktivistë të paqes në botë.

Daniela Vathi

Dërgo me email | Stampo artikullin