31/10/2013 17:46:40

KLD, 636 ankesa për gjyqtarët

Për vitin 2013 Këshilli i ka referuar për kompetencë institucionit të Prokurorisë së Përgjithshme, 5 praktika që konsistojnë në raste të denoncuara nga publiku dhe për të cilat inspektorati i KLD nuk ka kompetencë ligjore t’i hetojë

TIRANË - Rreth 636 ankesa nga qytetarë dhe institucione të ndryshme në vend, janë regjistruar në regjistrin e ankesave të Këshillit të lartë të drejtësisë ndaj gjyqtarëve. Në një deklaratë për mediat, KLD informon, në lidhje me ankesat e verifikuara dhe shkeljet e konstatuara ndaj gjyqtarëve nga Inspektorati i KLD deri në momentin aktual. Nga 636 ankesat, për 12 prej tyre, sqaron KLD, është konstatuar shkelje dhe materialet e kontrollit i janë dërguar Ministrit të Drejtësisë për fillimin e procedimit disiplinor, si i vetmi organi i cili mund të iniciojë procedimin disiplinor në Këshillin e Lartë të Drejtësisë. "Duke përfshirë ankesat e vitit 2012, KLD ka dërguar në Ministrinë e Drejtësisë 20 kërkesa procedime për 14 gjyqtarë. Për 67 gjyqtarë të shkallës së parë dhe të apelit, pas konstatimit të parregullsive të ndryshme të kryera, iu tërhoq vëmendja me shkrim. Nga të cilat 19 raste janë bërë bazuar në ankesat e ardhura në vitin 2011, 15 raste janë bërë bazuar në ankesat e ardhura në vitin 2012, dhe, siç thamë më lart, 33 raste janë për ankesat e ardhura gjatë vitit 2013", thuhet në deklaratë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin