31/10/2013 17:32:32

Kajro, proçesi i Morsit. Policia në gjëndje gadishmërie

Koalicioni për Legjitimitetin pro Vëllazërisë Myslmane, ka bërë apel për të manifestuar gjatë ditës së nesërme

KAJRO - Gjendja e gatishmërisë maksimale të sigurisë u dekretua sot nga ministria e Brendshme në Egjipt, në kuadër të procesit gjyqësor të ish-presidentit egjiptian të shkarkuar nga detyra, Mohamed Morsi që zhvillohet të hënën, më 4 nëntor. Koalicioni për Legjitimitetin, pro Vëllazërisë Myslmane, ka bërë apel për të manifestuar gjatë ditës së nesërme, përmes një thirrjeje të bërë mbështetësve të Morsit të paraqiten të hënën para gjykatës, që ndodhet në afërsi të burgut Tora në Kajro. Më tepër se 20 mijë agjentë policie, njoftoi një burim i sigurisë egjiptiane, do të jenë në gjendje mobilizimi -për planin që fillon të zbatohet të shtunën. Nën masa të blinduara janë edhe gjykatësit të cilët do të shoqërohen nga eskorta të posaçme nga banesat e tyre deri në sallën ku do të zhvillohet procesi. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin