31/10/2013 15:22:02

Veliaj: punësoni persona me aftësi të kufizuara !

Veliaj bën apel institucioneve private dhe publike të zbatojnë kriterin e punësimit të njerëzve me aftësi të kufizuar

TIRANË - Shqipëria e gjeneratës tjetër është një Shqipëri më solidare, prandaj punësimi dhe aksesi i personave me aftësi të kufizuara në institucionet publike, janë prioritet i punës sonë. Ministri i Mirëqenies Sociale dhe Rinisë, Erion Veliaj, u ka bërë thirrje të gjitha institucioneve publike që të punësojnë njerëz me aftësi të kufizuara, në zbatim edhe të ligjit. “Është e vetmja mënyrë se si mund të integrohemi dhe të jemi një shoqëri më solidare”, ka deklaruar ai. Gjatë vizitës në punishten e prodhimit të Karrigeve me Rrota në Vorë, Veliaj gjeti rastin të falenderonte sipërmarrjet sociale si Fondacioni Shqiptar për të Drejtat e Personave me Aftësi të Kufizuar, që kanë krijuar modele të tilla, ku jo vetëm prodhohen karrige për njerëzit në nevojë, por edhe punësohen persona me aftësi të kufizuara. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin