30/10/2013 13:32:34

Misioni i FMN dhe BB ne Tirane

Bejne vleresimin e sektorit financiar shqiptar

TIRANE- Një mision i Fondit Monetar Ndërkombëtar dhe Bankës Botërore mbërriti në Tiranë për të kryer vlerësimin e sektorit financiar.Me kërkesë të bërë që në shkurt nga Ministria e Financave dhe Banka e Shqipërisë, ekspertët do të bëjnë një vlerësim të sektorit financiar.

Ekspertët që pritet të qëndrojnë në Tiranë mbi tre javë, pritet të analizojnë stabilitetin e sektorit financiar dhe nevojat e vendit për t’u zhvilluar. Një muaj më parë, misioni i FMN-së erdhi me kërkesë të qeverisë së re.

Programi i Vlerësimit të Sektorit Financiar është një analizë në thellësi e sektorit financiar të një vendi dhe zbatohet që nga viti 1999 nga vendet anëtare të FMN-së dhe Bankës Botërore. Ky vlerësim ka dy komponentë. I pari, vlerësimin e stabilitetit financiar të sektorit dhe i dyti, vlerësimin e aspekteve të zhvillimit të sektorit financiar.

Kështu, në komponentin e parë FMN sheh shëndetin e bankave dhe sektorëve të tjerë financiarë. Zhvillohen një sërë stres-testesh, renditet cilësia e bankave, sigurimeve dhe supervizionimi i tregut financiar sipas standardeve ndërkombëtare.

HermesNews-©2013

Dërgo me email | Stampo artikullin