30/10/2013 10:03:49

Droga në rimorkio: 240 kg në Durrës

Bllokohet trajleri që do të nisej për në Bari (Itali)

DURRES - Forcat e policisë së Durrësit (foto) kanë ndaluar sot një 36-vjeçar, në automjetin e të cilit gjatë kontrollit portual u gjetën të fshehura 240 kg lëndë narkotike, canabis sativa. Në automjetin trajler të Eduard Gjinajt, banues në Paskuqan (Titanë), u gjetën të fshehura në tavanin e rimorkios 75 pako me lëndë narkotike, me një peshë të përgjithshme prej afro 240 kg gjithsej. Automjeti i Gjinajt iu nënshtrua kontrollit në pikën e kalimit kufitar në portin e Durrësit, kur ai po nisej me traget drejt portit të Barit (Itali). Tashmë ai do të hetohet nga prokuroria e rrethit të Durrësit, ndërsa vazhdon puna për identifikimin e personave të tjerë që mund të jenë përfshirë në këtë trafik ndërkombëtar substancash narkotike. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin