30/10/2013 09:48:19

Chardonnay, bllokohet kantina në Vlorë

Materialet procedurale ju referuan Prokurorisë së Vlorës për ndjekje të mëtejshme penale

VLORË - Policia e Vlorës bllokoi sot një kantinë vere, ndërkohë që ka sekuestruar një sasi të konsiderueshme pije prodhuar në mënyrë të kundërligjshme. Burime zyrtare të policisë lokale bënë të ditur se, nga kontrolli i ushtruar në kantinën në pronësi të 56 vjeçarit Sh.Z, në qytetin e Vlorës, u gjetën dhe sekuestruan në cilësinë e provës materiale, 976 litra verë, si dhe etiketa me mbishkrimin Chardonnay 2010 dhe Chardonnay 2011, për të cilat nuk dispononte dokumentacionin ligjor. Nga Strukturat e Drejtorisë së Policisë u bë bllokimi dhe sekuestrimi i këtij aktiviteti të paligjshëm dhe materialet procedurale ju referuan Prokurorisë së Vlorës për ndjekje të mëtejshme penale. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin