29/10/2013 13:05:41

Greqi, java e 8të e grevës së punonjësve të universiteteve

Vetëregjistrimi i personelit të tetë universiteteve kryesore të Greqisë u arrit si zgjidhje për problemin pasi rektorët kishin refuzuar të procedonin me vlerësimin e kapaciteteve profesionale të punonjësve të tyre

ATHINË - Vazhdon java e 8te radhazi e grevës së punonjësve të tre nga tetë universiteteve më të mëdha të Greqisë, atij të Athinës, atij të Patras dhe të Politenikut të Athinës, në shenjë proteste kundër mobilizimit dhe më pas pushimit ose trasferimit në një detyrë tjetër të 1 349 punonjësve, pavarësisht faktit se pjesa më e madhe e punjësve athinas, 1 700 në një total prej 1 968 punonjësish, është vetëregjistruar në faqen e posaçme të internetit të Ministrisë së Arsimit. Vetëregjistrimi i personelit të tetë universiteteve kryesore të Greqisë u arrit si zgjidhje për problemin pasi rektorët kishin refuzuar të procedonin me vlerësimin e kapaciteteve profesionale të punonjësve të tyre në bazë të të cilave do të vendosej mbi të ardhmen e tyre. Punonjësit të cilët nuk janë të përfshirë në vetëregjistrim do të pezullohen nga detyra në bazë të një normative të re të miratuar nga Parlamenti i Greqisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin