29/10/2013 12:09:26

Zbulohet droga në depozitën e naftës së makinës

Droga u gjet e fshehur në depozitën e naftës së automjetit

DURRES - Një 41 vjeçar nga Italia është ndaluar sot në orët e para të mëngjesit, pasi forcat e policisë kufitare gjetën të fshehur në automjetin e tij një sasi prej 10.2 kg lëndë narkotike canabs sativa. Burime zyrtare nga drejtoria e policisë së qarkut, bënë të ditur se automjeti i tij, tip Citroen me targë DR 131 ZF iu nënshtrua një kontrolli rutinë në pikën e kalimit kufitar të portit të Durrësit, kur Alberto Coldani po drejtohej në tragetin e linjës Durrës – Bari. Sipas të njejtave burime, droga u gjet e fshehur në depozitën e naftës së automjetit. 41-vjeçari Coldani do të hetohet më tej nga prokuroria e krimeve të rëndë për trafik ndërkombëtar të lëndëve narkotike, përfunduan burimet e policisësë Durrësit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin