29/10/2013 08:10:32

Të domosdoshme në Shqipëri martesat gay ?

Ambasada Pink, do të dorëzojmë kërkesën për modifikime ligjore

TIRANE - Ambasada PINK ka reaguar pas propozimit të avokatit të popullit për martesat gay, që në Shqipëri ajo i quan jo esenciale për një vend si Shipëria ku homoseksualët pësojnë denigrime dhe më të mëdha.

"Barazia në martesë dhe pse në dukje nuk është kërkesa më emergjente e komunitetit LGBT në vend, është gjithsesi një ndër kërkesat kryesore në vend dhe në botë në emër të garantimit të të drejtave themelore të njeriut, ku përfshihet edhe ajo për të krijuar një familje dhe për të përmbushur gjithë të drejtat që rrjedhin prej saj pavarësisht orientimit seksual të një qytetari apo gjinisë së partnerit me të cilin/cilën ai/ajo dëshiron të lidhë jetën," shkruan në deklaratë.

Në Europë janë 10 shtete që zyrtarisht kanë pranuar të njohin barazinë në martesë dhe në gjini të njëjtë dhe mëse 13 shtete të tjera njohin bashkëjetesën ose forma të përafërta me martësën civile.

Kushtetuta e Shqipërisë garanton barazinë e martesës për të gjithë qytetarët pa përjashtim, ndërkohë që kjo e drejtë në mënyrë të kundraligjshme nuk iu është garantuar personave LGBT në Kodin e Familjes, shkruan në komunikatë ambasada pink.

Nisur nga ky përjashtim ligjor, Ambasada PINK, në mbështetje të nismës së Avokatit të Popullit, do të dorëzojë pranë Kuvendit të Shqipërisë kërkesën e saj për ndryshime dhe përmirësimë në Kodin e Familjes së Republikës së Shqipërisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin