28/10/2013 15:46:50

Bie nga skela punëtori, tjetri në gjëndje të rëndë

Ngjarja ndodhi kur dy punëtorët, emrat e të cilëve nuk bëhen të ditur nga burimet zyrtare të policisë, po punonin në katin e 8-të të një pallati tek rruga Dora D’Istra, pranë Liqenit Artificial

TIRANË - Një incident i rëndë ka ndodhur pak minuta më parë në një objekt në ndërtim në Tiranë, ku dy punonjës kanë rënë nga skela dhe njëri prej tyre ka ndërruar jetë.

Punonjësit ishin duke punuar në katin e 8-të të një pallati tek rruga "Dora D’Istra", pranë Liqenit Artificial. Punëtoret mësohet të kenë qenë duke suvatuar pallatin në fjalë, kur aksidentalisht skela është shkëputur, duke shkaktuar dhe rënien e punonjësve.

Njëri prej tyre ka ndërruar jetë, ndërsa punëtori tjetër, ka mundur të shpëtojë duke u mbajtur në njërën prej dritareve të objektit. Menjëherë i plagosuri është dërguar me urgjencë në spital, ku po merr edhe ndihmën mjekësore.

Menjëherë në vendngjarje kanë shkuar efektivët e komisariatit të policisë nr.2, të cilët nuk kanë bërë të ditur për mediat emrat e dy shtetasve të përfshirë në këtë incident.

Gjithashtu uniformat blu kanë shoqëruar për në komisariat punëtorët e tjerë të pranishëm në ndërtesë për të ndërtuar ngjarjen dhe për të zbardhur shkaqet e saj. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin