26/10/2013 12:00:31

Papa Françeksu: Priftërinjtë nuk duhet të jetojnë në luks

“Kërkoj një zhveshje të kishës katolike, por edhe të të gjithë besimtarëve të krishterë. Duhet ti themi jo idhullit të floririt

VATIKAN - Papa Françeksu vazhdon të tërheqë vëmendjen e të gjithë besimtarëve katolik me sjelljet dhe idetë e tij humane, rinovuese të kishës katolike. Ai u bëri thirrje të gjithë priftërinjëve të mos abuzojnë me të mirat materiale. Luksi nuk është për priftërinjtë, të cilët duhet t’u shërbejnë të varfërve, shtresave më të dobëta.

“Jesuzi ishte i pasur, por u bë i varfër për të na pasuruar neve. Ajo është rruga e Zotit, përulësia, të shërbyerit ndaj të tjerëve” – u shpreh ai.
Udha e varfërisë si instrument për të luftuar degradimin materialist që mbizotëron botën sot dhe kishën në veçanti, detyra e së cilës nuk është përfitimi dhe pasurimi, por përkundrazi ndihma për shtresat e varfëra.
“Kërkoj një zhveshje të kishës katolike, por edhe të të gjithë besimtarëve të krishterë. Duhet ti themi jo idhullit të floririt! Të mirat që kemi nga Zoti duhet t’i përdorim për të ndihmuar të tjerët.”

Ai gjithashtu preku një tematikë tjetër mjaft interesante. U kërkoji katolikëve dhe luteranëve të kërkojnë falje për ligësitë e kryera ndaj njëri-tjetrit dhe fajet që mbartin para Zotit.

Daniela Vathi

Dërgo me email | Stampo artikullin