26/10/2013 11:43:01

Tahiri: plan për familjet e policëve të vrarëve

Ministri i Brendshëm premtoi se dikasteri i tij do të hartojë një plan masash për të garantuar mirëqënien e familjeve të oficerëve të policisë të vrarë në krye të detyrës

TIRANË - "Duhet të ndërtojmë një vend që është endërra e fëmijëve të tyre. Detyra jonë është që t’i çmojmë në përjetësi, jo me fjalë, por me vepra", tha Ministri i Brendshëm, Saimir Tahiri, në ceremoninë e organizuar në Qëndrën e Formimit Policor në Sauk, me rastin e Ditës së Policëve të rënë në krye të detyrës. "Ka familje, që veç mungesës së bashkëshortit dhe babait, vuajnë mungesën e strehimit, e shkollimit për fëmijët e tyre, ka dhe që shkojnë në gjyq për të fituar statusin e dëshmorit dhe nuk kanë mundur ta marrin dot atë, por janë ende duke u sorrollatur nga një shkallë e gjyqësorit në tjetrin”, tha Tahiri. Ai premtoi se do të bëjnë gjithshka për strehim, për kujdesin për arsimimin e fëmijëve të këtyre dëshmorëve. Ndërkohë, Ministri i Brendshëm premtoi se dikasteri i tij do të hartojë një plan masash për të garantuar mirëqënien e familjeve të oficerëve të policisë të vrarë në krye të detyrës. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin