24/10/2013 10:44:12

Bllokohen dhe 70 kg drogë: ndalohet drejtuesi

Hashashi u bllokua në aksin rrugor kombëtar Gjirokastër-Tepelenë

GJIROKASTËR - Të paktën 70 kg hashash (foto) u bllokuan mbrëmjen e djeshme, ndërsa një person u ndalua, njoftoi sot policia e Gjirokastrës, në jug të vendit. "Lënda narkotike, me origjinë nga Lazarati, po transportohej në automjetit tip “Benz”, me targa AA 434 GL, me drejtues Laurant Sikaj, 27 vjeç, lindur dhe banues në Vlorë, tashmë i ndaluar”, thuhet në komunikatën e policisë. Të njëjtat burime thanë se hashashi u bllokua në aksin rrugor kombëtar Gjirokastër-Tepelenë, pranë fshatit Subash, rreth 10 km larg Gjirokastrës. “Lënda nakrotike, e ndarë në 30 pako, ishte fshehur në brendësi të automjetit”, saktësoi policia. Ky është i treti rast gjatë 24 orëve të fundit që policia e Gjirokastrës bllokon në jug të vendit lëndë narkotike. Një ditë më parë, policia lokale bllokoi në afërsi të fshatit Jergucat, 330 kg hashash, ndërsa një person u ndalua. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin