24/10/2013 10:36:42

Samit për spiunazhin e shërbimeve sekrete amerikane

Fillon sot samiti i krerëve të BEsë: do të flitet për përgjimet telefonike dhe refugjatët

BRUKSEL - Politika europiane e emigracionit pas tragjedisë së Lampeduzës dhe reagimi ndaj spiunazhit masiv të shërbimeve sekrete amerikanë në Europë pritet të mbizotërojnë samitin e krerëve të BE-së i cili nis sot në Bruksel.

Krerët e vendeve europiane të gjendur përpara një fluksi emigrantësh që vijnë përmes Mesdheut si Italia, Malta por edhe Greqia e Spanja do t'u kërkojnë homologëve të tyre më shumë solidaritet konkret, tre javë pas dramës në afërsi të brigjeve të ishullit të vogël italian të Lampeduzës që shkaktoi më shumë se 360 të vdekur. Ata nuk duan të kënaqen më nga fjalët.

Kreu i qeverisë italiane, Enrico Letta, kërkoi një përforcim të agjencisë së mbikëqyrjes së pikave kufitare evropiane "Frontex". Kreu i qeverisë malteze, Joseph Muscat theksoi se BE-ja duhet të veprojë në bazë të një strategjie të qartë.

Ndërkohë, kryeministri spanjoll, Mariano Rajoy kërkoi që kontrolli i pikave kufitare të jetë një përpjekje e përbashkët e gjithë vendeve anëtare të Bashkimit Europian. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin