24/10/2013 10:12:34

Ministri izraelit: më shumë banesa për kolonët hebre në Cisjordani

Gati projekti për ndërtimin e banesave të reja. Rritet tensioni me palestinezët në Hebron

JERUSALEM - Ministri izraelit i strehimit, Uri Ariel u shpreh sot se do të dyfishonte numrin e banesave për kolonët në qendër të qytetit palestinez të Hebronit në Cisjordani. Ariel, anëtar i Shtëpisë Çifute, një parti nacionaliste që promovon kolonizimin e Territoreve Palestineze, u shpreh në favor të një programi konkret për ndërtimin e 100 banesave në Hebron.

"Duke qenë se ekziston terreni për ndërtimin e këtyre bansesave, ne jemi duke përgatitur projektin. Shpresojmë që të fillojmë ndërtimin gjatë vitit të ardhshëm", shtoi Ariel gjatë një interviste për një radio ushtarake. Në Hebron, që është qyteti më i madh i Cisjordanisë, jetojnë rreth 190 000 palestinezë nën klimën e një tensioni të përhershëm me praninë e rreth 700 kolonëve hebrenj të vendosur në një enklavë në qendër të qytetit, nën mbrojtjen e mijëra ushtarëve izraelitë. Kolonia numëron 80 blloqe banesash. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin