23/10/2013 20:59:45

Pse tradhetojmë ?

nga Manjola Baçi

TIRANE - Po të bëjmë një retrospketivë në kohërat e shkuar, qysh në krijimin e Insitucionit familjar, ajo është përqasur si një diçka imorale, e ndyrë, e pabesë, dhe këtë stigmatizim e kanë përforcuar shumë kultura nëpër botë. E parë në shumë këndvështrime tashmë ajo është emërtuar në një trajtë diskriminuese përkundrejt individit të damkosur nga ky rrëfim që nuk është më i fshehur.

Mbi tradhëtinë bashkëshortore kanë intepretuar shumë ekspertë të fushave të ndryshme, si dhe individë të thjeshtë me mendimet e tyre subjektive. Mirëpo ndër të tjera, sot ajo përkufizohet fenomen njerëzor i cili lulëzon nën ujërat e turbullta të subkoshiencës së njeriut të prekur nga ky “Krim”.

Të gjithë ne në një mënyrë apo tjetër jemi përfshirë në historira me zemra të thyera, vuajtje shpirtërore etj, këtë traumë do t’a quaja unë, pasi unë mendoj se të gjithë e kanë një arsye përse tradhëtojnë, përjashto faktin e modeleve të imitimeve, apo forcës së zakonit.

Jemi te njohur pak a shume me disa shkaqe të inicimit (fillimit) të tradhëtisë, si dhuna psikologjike, keqtrajtimi, jeta seksuale etj. Do shkoje me thellë në analizë për të kuptuar, se jo çdo gjë e keqe për të tjerët, është dhe për ne. Nuk jam duke justifikuar asgjë por të kuptojmë përse na ndodh dhe na prek ky “status”.

Tradhëtojmë nga pavetëdija - > Qysh në femijërinë e hershme ne marrim shembuj (modele) të prindërve/kujdestarëve tanë, në mënyrën sesi ata sillen me njeri-tjetrin, si dhe me ne. Ndjekim komunikimin, sjelljet, përkushtimin dhe nëse keto mungojnë apo neglizhohen ,japin një shembull pasigurie dhe keqtrajtimi të vetes dhe ndaj tjetrit, që do të thotë në lidhjet e mëvonshme ky represim i mendimeve dhe sjelljeve, shfaqen në një kohë kur lidhja ndodhet në një krizë për pak kohë, ku ne nuk kemi alternative për ta zbutur apo kaluar këtë periudhë dhe biem pre e tradhëtisë.

Mungesë vetëvlerësimi - > Në këtë aspekt ndjenja për një vlerësim për veten është e kamufluar qysh në fëmijëri. Si t’a kuptojmë këtë ? Janë prindërit/kujdestarët ata që e perforcojnë /ose dënojnë sjelljet dhe mendimet tona, janë ata që na mësojnë të duam veten dhe të tjerët, si dhe të ngjallim respekt për lidhjet tona të dashuriësë ose ndaj shoqërisë. Në të kundërt si rrjedhojë e kësaj mungesë të hierarkisë se personalitetit, na bën individië më me pak vullnet, më me pak kurajo,si dhe për të krijuar lidhje të dështuara për shkak të kësaj mungese të cilësisë që është nyja për bashkëpunim dhe qëndrueshmëri në bashkëjetesë.

Lidhje të hershme - > Sipas profesionistëve të psikologjisë së zhvillimit, njeriu ka stadet e tij të rritjes, si në aspektin fizik por pjekurisë mendore. Koncepti lidhje në këtë rast kur është i hershëm në moshë nuk ka formim dhe eksperiencë të jetuar, për t’a zgjidhur në moment një konflikt apo situatë krize në çift. Pasi kërkon një pjekuri edhe moshore lidhja, që të jetë e gatshme për të zgjidhur faktorin kërcënues.

Zgjedhje të gabuar të partneres/rit - > Është fakt tashmë, kur njohjet janë të influencuara nga ndërhyrjet e të tjerëve, apo mungesesës së alkimisë fizike e shpirtërore. Shpesh kjo mëndësi e të bërit kompromis me dikë mbart nën rogoz mungesë respekti, komunikimi dhe besnikërie. Por dhe kjo zgjedhje e ka një shkak të sajin pse aplikohet në shumë lidhje…

1-Ne zgjedhim partner të ngjashëm me prindërit tonë, me tipare të kundërta nga ne dhe të afërta me të tyren.
2-Kur zgjedhim partnere me natyrë dominante,ndryshe nga personaliteti ynë ka një disfuksionim në lidhje.
3-Si dhe duhet përmendur edhe niveli arsimor,ku ndeshen këndvështrimet të aspekteve jetësore. Ndaj të përpiqemi të zgjedhim ne,jo të lëmë të tjerët por dhe për këtë duhet përvojë.

Ndjenja e tradhëtisë apo i të qënurit I tradhëtuar,ka të bëjë me frikën e njeriut për të mos mbetur vetëm dhe mos humbur personin, ku në të cilin ka investuar kohë energji,gjithcka nga koha e tij/saj, sipas mënyrës sonë ndaj partnerit/res.

Ajo që e vështirëson lidhjen dhë mënyrën e të jetuarit në çift, është se njeriu është I prirur, të gabojë dhe të mendojë gabim. Por dhe këtu në këto shprehje unë nuk besoj se është gjithmonë e vertetueshme pasi predispozita që ka njeriu është se përgjegjshmëria ka taksë të kushtueshme. Nëse na ndodh të tradhëtojmë për x arsye,mendoni se nuk jemi njerëz të këqij, por viktimë e kohes, situates dhe mbi të gjitha për dëshirat e shfrenuara të njeriut. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin