23/10/2013 13:07:37

Korçë: invalidët kanë katër muaj pa marrë asistencën

Sipas kryetarit të shoqatës së invalidëve të punës dega Korçë, Petraq Vali, mungesa e ndihmës së paaftësisë ka vënë në vështirësi mjaft persona që kanë probleme ekonomike të theksuara

KORÇË - Dhjetëra invalidë kanë dalë në protestë në qytetin e Korçës për të kërkuar pensionet e invaliditetit. Rreth 3000 invalidë pune në rrethin e Korçës nuk marrin ndihmën e paaftësisë që prej 4 muajsh. Duke u nisur që nga muaji korrik e deri tani kjo kategori personash nuk kanë marrë shumën prej 3300 lekësh që u takon në bazë të ligjit. Sipas kryetarit të shoqatës së invalidëve të punës dega Korçë, Petraq Vali, mungesa e ndihmës së paaftësisë ka vënë në vështirësi mjaft persona që kanë probleme ekonomike të theksuara. “Këto lekë ata i përdorin për t ushqim e ilaçe. Majde as ne nuk dimë sesi t’u përgjigjemi. Na kishin dhënë premtime se lekëet do i merrnin brenda muajit tetor, por ende nuk është bërë asgjë”. Protestuesit kanë kërkuar të marrin sa më parë pagën e invaliditetit, pasi ata janë të paaftë për punë dhe ky pension është e vetmja e ardhur që kanë për të jetuar. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin