23/10/2013 13:02:56

Ekstradohet: mashtroi për 220 mijë Euro

Elvira Çina kishte pretenduar se do të ndërtonte një banesë mbi një truall në Greqi

TIRANË - Nga Zyra Qendrore Kombëtare Interpol Tirana, është bërë sot ekstradimi nga Athina, në drejtim të vendit tonë i shtetases, Elvira Grigor Çina, 56 vjeç, lindur në Korçë. Kjo shtetase ishte shpallur person në kërkim ndërkombëtar, pasi Gjykata e Rrethit Gjyqësor Tiranë, me Vendim datë 23.07.2012, ka caktuar ndaj saj masën e sigurisë “Arrest në burg”, për kryerjen e veprave penale të “Mashtrimit”. E ekstraduara Elvira Çina, duke pretenduar se zotëronte një tokë të blerë në një zonë bregdetare të Greqisë, me pretendimin se do të ndërtonin një banesë mbi këtë truall me shtetasin Lulzim B, i ka marrë këtij të fundit një shumë prej 220 mijë Euro. Si rezultat i bashkëpunimit të Interpol Tirana me Interpol Athina/Greqi, u bë i mundur arrestimi i saj, me datë 10.12.2012, me qëllim ekstradimin drejt vendit tonë.
Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin