23/10/2013 12:38:44

Zjarrëfikësat përballë një ''koktejli-eksploziv''

Australia përjeton një emergjencë të paprecedentë pothuajse në një gjysmë shekulli, për shkak të thatësirës dhe temperaturave jashtëzakonisht të larta

MOUNT VICTORIA - Zjarrëfikësit australianë do të përballën sot me kushtet ekstreme të motit të shoqëruara me erëra të nxehta dhe të thata, temperatura në rritje dhe rrezikut të rrufeve, një koktej eksploziv që shton rrezikun nga përhapja e vatrave të zjarrit në jug-lindje të vendit që prej javës së kaluar. Shtatë ditë kanë kaluar që nga përhapja e vatrave gjigande të zjarrit në Uellsin e Ri në jug, shteti ku ndodhet Sidnei, të paktën 65 vatra zjarri kanë bërë mjaft bujë nga të cilat 18 janë ende pa kontroll. Ky shtet po përjeton një emergjencë të paprecedentë pothuajse në një gjysmë shekulli, për shkak të thatësirës dhe temperaturave jashtëzakonisht të larta. ''Në një ditë si kjo, llogaritet mirë çdo minutë'', deklaroi drejtuesi i shërbimit të luftës kundër zjarrit në Uellsin e Ri në jug, Shane Fitzsimmons. Zjarrëfikësit janë përqëndruar sërisht në zonën e Maleve Blu, një vargmal i pozicionuar rreth njëqind kilometra në perëndim të Sidnei-t, zonë malore turistike ku shtrihen disa fshatra, popullsia arrin në rreth 75 mijë persona. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin