21/10/2013 15:30:26

Bllokohen 72 kg hashash ne Sarande

Policia vihet ne kerkim te dy trafikanteve

SARANDE- Të paktën 72 kg lëndë narkotike me origjinë nga Lazarati, u bllokuan në orët e para të mëngjesit të ditës së sotme, ndërsa dy persona u shpallën në kërkim, njoftoi policia e Sarandës, në jug të vendit. "Lënda narkotike në pritje për t’u transportuar drejt Greqisë u bllokua pranë fshatit Xarrë, rreth 15 km larg Sarandës", thuhet në komunikatën e policisë.

Të njëjtat burime thanë se dy persona, përkatësisht 24 e 27 vjeç, janë shpallur në kërkim. Ky është i dyti rastë gjatë këtij muaj, që policia e Sarandës bllokon një sasi të konsiderueshme lëndë narkotike.

HermesNews-©2013

Dërgo me email | Stampo artikullin