20/10/2013 20:47:47

Kate Moss nga modele në Fashion Editor

Top modelja do të jetë pjesë e një projekti të Vogue UK në rolin e saj të ri si Fashion Editor

LONDER - Modelja e famshme dhe e shumë kërkuar Kate Moss po provon veten edhe pas skenave. Ajo tashmë ka nisur bashkëpunimin me Topshop për dizenjon e një koleksioni dhe së shpejti do të ndërmarrë edhe eksperiencën si Fashion Editor në stilim.

Do të jetë pjesë e një projekti të Vogue UK në rolin e saj të ri si Fashion Editor, ku do të merret me projektimin e editorialeve fashion me liri të plotë në zgjedhjen e modeleve dhe fotografëve. Tashmë ajo ka një eksperiencë të gjatë në fushën e biz-it dhe një dhunti të lindur për fushën e modës dhe të stilimit. Frytet e punës së saj do të publikohen në pranverën e ardhshme.

Moss nuk është me siguri modelja e parë që ndërmerr një rol editorial në revista të njohura. Naomi Campbell iu bashkua stafit editorial të Interview në 2011-ën, ndërsa Coco Rocha jep ende kontributin e saj për PC Mag. Na ndiqni dhe në Facebook dhe Twitter

Daniela Vathi

Dërgo me email | Stampo artikullin