19/10/2013 21:16:43

Facebook: jo më profile private

Modifikimet e reja te privacy-t ne Facebook

HermesNews- Kush kishte arritur deri tani të kishte një profil të “padukshëm”, të cilin mund ta gjenin vetëm rrethi i miqëve, nuk do të ketë më një avantazh të tillë. Tashmë, me të rejat e fundit të rrjetit social Facebook, gjithkush mund ta gjejë profilin e dikujt thjesht duke kërkuar emër mbiemër apo adresën e emailit. Lajmin e zhdukjes së profileve sekrete e dha Michael Richter, chef privacy officer i Facebook-ut. Ai shpjegoi se ky opsion është eliminuar që nga dhjetori i shkuar për ata që nuk e përdornin, ndërsa tani do të eliminohet edhe për pakicën e cila ka vendosur të “mbrojë” profilin e saj. Gjithsesi kjo risi nuk prek privacy-n e posteve për të cilat mund të zgjidhet publiku. Ndryshimet e reja nuk do të kalojnë me siguri pa u vënë re, pasi sipas një sondazhi, arsyeja më e madhe pse njerëzit vendosin të largohen nga kjo platformë, është pikërisht privacy.

Daniela Vathi

Dërgo me email | Stampo artikullin