19/10/2013 15:34:43

Policia e Durrësit merr në mbrojtje pesë persona

Kallëzim penal kanë bërë në Polici edhe dy të rinj të moshës 18 dhe 28 vjeç, të cilët kanë denoncuar dhunën e ushtruar ndaj tyre nga vëllezërit

DURRËS - Konfliktet dhe keqtrajtimi i familjarëve janë bërë shkak për ndërhyrjen e Policisë së Durrësit, e cila vetëm një ditë më parë, ka marrë në mbrojtje 5 persona, ndërsa ka nisur procedimin penal për 3 të tjerë. Zëdhënësja e drejtorisë së Policisë së qarkut, Ornela Çako, tha se, 3 gra, të moshës 24, 44 dhe 75 vjeç, do të jenë së shpejti nën mbrojtjen e ligjit, për shkak të keqtrajtimit nga ana e bashkëshortëve. Kallëzim penal kanë bërë në Polici edhe dy të rinj të moshës 18 dhe 28 vjeç, të cilët kanë denoncuar dhunën e ushtruar ndaj tyre nga vëllezërit. Sipas Çakos, procedimi penal ka nisur edhe për një 31-vjeçar, i cili dyshohet se ka kanosur ish-bashkëshorten e tij, si dhe dy banorë të një fshati pranë Durrësit, për keqtrajtim të vëllait të tyre. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin