19/10/2013 11:51:42

Demokratët bojkotojnë këshillin bashkiak në Durrës

Nga 45 anëtarë në përbërje të Këshillit Bashkiak, koalicioni i majtë, me 24 anëtarë, këshilltarë të PS, LSI dhe PDS, ka kuorumin e nevojshëm për të marrë vendimet e para pas gati 7 muaj pezullimi të funksionimit të tij

DURRËS - Këshilli bashkiak i Durrësit, në mbledhjen e të cilit mungonin përaqësuesit e së djathtës, miratoi mbrëmë vetëm me votat e këshilltarëve të majtë një sërë vendimesh, përfshirë edhe datën e mbledhjes së ardhshme, ku pritet të miratohet projekt-buxheti i vitit në vazhdim, si dhe sistemi i pikëzimit që mundëson shpërndarjen e 126 apartamenteve me qira sociale për familjet e pastreha.

Nga 45 anëtarë në përbërje të Këshillit Bashkiak, koalicioni i majtë, me 24 anëtarë, këshilltarë të PS, LSI dhe PDS, ka kuorumi1n e nevojshëm për të marrë vendimet e para pas gati 7 muaj pezullimi të funksionimit të tij.

Mbrëmjen e kaluar, këshilli vendosi të miratojë ndihmën ekonomike për majin dhe pagesën e paaftësisë. Me shumicë votash u mor edhe vendimi për lirimin nga detyra e këshilltarit Roland Xhelilaj, i cili u emërua prefekt i qarkut të Durrësit.

Detyrën e tij, si anëtar i këshilit të qarkut do ta kryejë Veziko Keraj, përfaqësuese e grupit të këshilltarëve të PS. Mbledhja e radhës do të jetë ajo e 22 tetori, ku pritet miratimi i projekteve jo pak të rëndësishme për qytetin bregdetar. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin