17/10/2013 17:50:17

Maltë, anija ushtarake shpëton 128 ushtarë

Anija ushtarake USS San Antonio u lajmërua dje pasi një avion maltez vuri re gomonen që po përmbysej

ROMË - Një anije ushtarake amerikane shpëtoi me kërkesë të Maltës, 128 refugjatë në vështirësi në bordin e një gomoneje që po përmbysej si pasojë e erës dhe valëve në Mesdhe, njoftoi një oficer i Marinës Amerikane.

Anija ushtarake "USS San Antonio" u lajmërua dje pasi një avion maltez vuri re gomonen që po përmbysej. "Transferuam me sukses 128 burra rreth moshës 20-30 vjeç nga gomonia në anijen 'San Antonio'", deklaroi oficeri amerikan.

"Gomonia ishte goditur nga era e fortë dhe valët që do të rriten e shpeshtohen gjatë natës. Nëse do t'i kishim braktisur, në këtë moment ata do të ishin ndoshta të gjithë nën det", shtoi ai.

"Ne u ofruam atyre ushqim, ujë, kujdes mjekësor dhe strehim të përkohshëm. Ne e marrim shumë seriozisht detyrimin tonë moral e ligjor për të ndihmuar ata që janë në nevojë", përfundoi oficeri. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin