17/10/2013 17:11:02

Korçë, kapen me 53.1 kg drogë

Në pranga kanë rënë Vangjush Diamanti, 51 vjeç dhe 16-vjeçari me inicialet A.D, ndërkohë që në kërkim është shpallur 27 vjeçari me iniciale D.D, me banim në Korçë

KORÇË - Dy të arrestuar dhe një i shpallur në kërkim, është bilanci i të arrestuarve një natë më parë nga Policia e qarkut të Korçës, me akuzën e “Prodhimit dhe shitjes së lëndëve narkotikëve”. Sipas burimeve të Policisë , në pranga kanë rënë Vangjush Diamanti, 51 vjeç dhe 16-vjeçari me inicialet A.D, ndërkohë që në kërkim është shpallur 27 vjeçari me iniciale D.D, me banim në Korçë. Ngjarja për të cilën akuzohen këta shtetas ka ndodhur rreth orës 23.00, të mbrëmjes së mërkurës, në qytetin e Bilishtit, në vendin e quajtur “Rruga e Xhamisë”, kur në bagazhin e një automjeti të braktisur, me targa KO 74 61 B, i cili figuronte në emër të shtetasit A.R , në dy çanta sportive, u gjetën 49 pako me lendë narkotike, të dyshuar si cannabis sativa, me peshë 51 kg e 350.6 gr. Nga kryerja e veprime e veprimeve hetimore, rezultoi se automjeti, brenda të cilit ishte fshehur droga, i është shitur shtetasve të lartpërmendur, materialet hetimore ndaj të cilëve i kaluan Prokurorisë së Rrethit Gjyqësor, për veprën penale të "Prodhimit dhe shitjes së narkotikëve". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin