16/10/2013 14:08:54

Komisioni jep statusin: rekomandim për vazhdim reformash

Fyle, do të vazhdojmë të mbështesim Shqipërinë në reforma. Vlerësim për marëveshje ndërpartiake për miratimin e dy ligjeve kyçe dhe prçedurat e parlamentit me mbështetje ndërpartiake

(14:10) Dritë e gjelbër e Komisionit Europian për statusin e vendit-kandidat për Shqipërinë. ''Rekomandojmë dhënien e statusit të vendit kandidat për Shqipërinë për anëtarësim në BE duke qëndruar të vendosur në vazhdimin e përpjekjeve të luftës kundër krimit të organizuar dhe korrupsionit", deklaroi pak më parë komisioneri evropian për Zgjerimin, Stefan Fule.

Ky ishte rekomandimi i paraqitur në raportin mbi zgjerimin e BE-së, të paraqitur sot në Bruksel, i cili paralajmëron Tiranën, se për hapjen e negociatave "mbetet thelbësor një dialog politik konstruktiv dhe i qëndrueshëm, po ashtu edhe arritjet e reja në fushën e administratës, të Shtetit të së Drejtës dhe të drejtave dhe lirive themelore të njeriut''.


TIRANË - "Komisioni Europian rekomandon që Shqipëria të marrë Statusin e vendit kandidat në BE", deklaroi sot Komisioneri për Zgjerim në BE, Stefan Fyle.

Në prezantimin e Pogres Raportit, para Komisionit të Punëve të Jashtme të Parlamentit Europian, Fyle deklaroi se, "Shqipëria ka bërë progres, duke vlerësuar se "dy ligje kyçe dhe prcedurat e parlamentit u miratuan me mbështetje ndërpartiake ndërsa zgjedhjet shkuan qetësisht ku populli i dha një mandate të qartë lidërve të tyre".

"Sa i përket Shqipërisë, për të arritur progres, Komisioni rekomandon që Këshilli i BE-së t’i japë Shqipërisë statusin e vendit kandidat duke kuptuar se do të vazhdojë të luftojë krimin e organizuar dhe korrupsionin", nënvizoi zyrtari i lartë i BE-së.

Në mënyrë që Komisioni të rekomandojë hapjen e negociatave , Fyle tha se "Shqipëria do të duhet të forcojë përpjekjet, të cilat kanë nisur dhe janë bërë, dhe të ndëmarrë veprime për të adresuar 5 prioritete".

"Vazhdimi për të zbatuar reformat në administratën publike, të ndërmarrë më shumë veprime për të forcuar pavarësinë, efikasitetin dhe përgjegjshmërinë e gjyqësorit, të tregojë vendosmëri në luftën kundër korrupsionit, të bëjë më shumë përpjekje në luftën kundër krimit të organizuar si dhe të marrë masa efktive për të forcuar mbrojtjen e të drejtave të njeriut duke përfshirë atë të komunitetit rom dhe politika antidiskriminuese si dhe zbatimin e të drejtave të pronave", deklaroi Fyle, 5 prioritet e vendosura për Shqipërinë.

Në përfundim, Komisioneri Fyle tha se, "KE është i vendosur të mbështesë përpjekjet e Shqipërisë për të përmbushur këto prioritet kyçe duke u angazhuar në një dialog të nivelit të lartë". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin