16/10/2013 08:38:22

Porosia e FMN-së për qeverinë

Shafik ka shprehur interesin e FMN për t’iu përgjigjur sa më parë çdo kërkese të qeverisë shqiptare për të adresuar problematikat e krizës

TIRANË - "Qeveria duhet të ndërhyjë menjëherë dhe në mënyrë të vendosur për të ndryshuar gjendjen aktuale në favor të Shqipërisë", tha zv/Drejtorja e përgjithshme e fondit monetar ndërkombëtar, Dr. Nemat Shafik, në takimin me delegacionin shqiptar, që përbëhej nga Ministri i zhvillimit ekonomik, tregtisë dhe sipërmarrjes, Arben Ahmetaj, Ministri i Financave, Shkëlqim Cani dhe Guvernatori i Bankës së Shqipërisë, Ardian Fullani. Shafik ka shprehur interesin e FMN për t’iu përgjigjur sa më parë çdo kërkese të qeverisë shqiptare për të adresuar problematikat e krizës. Ajo ka treguar shqetësim për gjendjen aktuale të financave publike në Shqipëri si edhe per borxhin. Arben Ahmetaj, ministri i zhvillimit ekonomik, tregtisë dhe sipërmarrjes dhe Ministri i Financave, Shkëlqim Cani, kanë treguar për paketën e masave që synon të marrë në mënyrë të menjëhershme qeveria Rama.

HermesNews - ©2013

Dërgo me email | Stampo artikullin