15/10/2013 18:25:26

Korçë, pezullohet shefi i krimit ekonomik

Kryeinspektori nuk kryen detyrën: bashkëpunon me pronarët e kazinove

KORÇË - Me urdhër të ministrit të Brendshëm, Saimir Tahiri, është pezulluar nga detyra kryeinspektori Olsi Muçi, shefi i Krimit Ekonomik në qytetin e Korçës, i akuzuar për implikim ne bizneset e paliçencuara të lojrave të fatit. Pas operacionit të Policisë së Shtetit për bllokimin e aktivitetit të palicensuar të lojrave të fatit, të nisur një ditë më parë në të gjithë vendin, me angazhimin e mbi 6000 efektivave të policive, rezultoi se kryeinspektori Muçi jo vetëm që nuk e kishte kryer detyrën e tij, por edhe ka bashkëpunuar me vetë pronarët, për t'i fshehur policisë makineritë e lojrave të fatit. Pas këtij veprimi, mësohet se ndaj shefit të sektorit kundër Krimit Ekonomik të qytetit juglindor ka nisur procedura ligjore.

HermesNews - ©2013

Dërgo me email | Stampo artikullin