14/10/2013 17:58:32

Shkoder, prefekti inspekton rruget

Paulin Radovani pak ditë më parë ka marrë detyren në krye të këtij institucioni

SHKODËR - Ndër angazhimet e para të prefektit të ri të Shkodrës, Paulin Radovani, vetem pak ditë pasi ka marrë detyren në krye të këtij institucioni. ka qënë vëzhgimi i punimeve që po kryehen në infrastrukturën e disa prej zonave të qytetit, zvarritja e të cilave është kthyer në një shqetësim më vete për komunitetin. Të tilla janë të shumta në qytetin e Shkodrës, por dy prej tyre, ajo e Unazës Lindore dhe e By-Pass-it përbri bregut të Liqenit të Shkodrës, janë për momentin më problematiket.

“Këto janë dy objekte që kanë kohë që kanë filluar nga puna, janë harxhuar shuma jo të vogla, ndaj duhet të kenë patjetër edhe një përfundim të tyre dhe e mira është që kjo punë të kryehet sa më shpejt të jetë e mundur, pasi në rast të kundërt, çdo vonesë në ndërhyrje bën që edhe ai investim i kryer më përpara të dëmtohet”, u shpreh prefekti Radovani për mediat gjatë një inspektimi që ai bëri në disa prej këtyre akseve rrugore.

Sipas tij, në Shkodër ka shumë probleme, por dy më të rëndësishmet jane ajo e Unazës Lindore dhe e By-Passi-t, pasi mospërfundimi i tyre e ka mbajtur peng qytetin e Shkodrës, duke shkaktuar shume probleme për komunitetin. Nga sa bëhet e ditur, ndërprerja e punimeve në këto dy vepra ka ardhur si rezultat i borxhit që strukturat shtetëtore kanë ndaj kompanive përkatëse, të cilat për momentin janë tërhequr tërësisht nga aktiviteti në këto dy projekte, duke shkaktuar një pakënaqësi të madhe në radhët e komunitetit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin