12/10/2013 19:02:45

Harito: ligji aktual i pazabatueshëm, mungojnë aktet nënligjore

Shtyrja e efekteve të këtij ligji është vendosur nga departamenti i administratës publike të qeverisë së mëparshme, që në muajin gusht dhe gjithashtu, ka qenë edhe ajo çka propozon asistenca teknike europiane SIGMA

TIRANE - Ministrja për inovacion dhe administratën publike, Milena Harito konfirmoi takimin që Rama u kishte kërkuar Bashës, Mediut, Idrizit dhe Ndokes për të zgjidhur mosmarrëveshjet e ligjit për Nëpunësin Civil, pra, ligjin nr.152 i vitit 2013. "Shtyrja e efekteve të këtij ligji është vendosur nga departamenti i administratës publike të qeverisë së mëparshme, që në muajin gusht dhe gjithashtu, ka qenë edhe ajo çka propozon asistenca teknike europiane SIGMA", tha Harito. Socialistët thonë se ligji në këtë gjëndje nuk është i zbatueshëm për shkak se mungojnë aktet nënligjore."Qëllimi i shumicës parlamentare dhe i Qeverisë së Shqipërisë është vetëm një; ta bëjë këtë ligj, të votuar me konsensus, të zbatueshëm...rruga që ne kemi gjetur është Akti Normativ për të cilin kemi marrë vendimin në qeveri...duhet të votohet në Kuvend përsëri me 3/5-at. Por, konsensusi nuk është vetëm çështje numrash. Për këtë ne jemi të bindur dhe për këtë arsye, kemi kërkuar takime me opozitën", tha Harito në një deklaratë për mediat. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin