12/10/2013 11:51:28

Përfitime rekord për milionerin Warren Buffet

Miliarderi amerikan ka arritur të arkëtojë në pesë vjet rreth 10 miliard dollarë me një kthim prej 40%, ndërkohe që shteti amerikan, në të njëjtën periudhë, ka përfituar vetëm 12%

HermesNews - Miliarderi amerikan ka arritur të arkëtojë në pesë vjet rreth 10 miliard dollarë me një kthim prej 40%, ndërkohe që shteti amerikan, në të njëjtën periudhë, ka përfituar vetëm 12%.

“Kini frikë kur të tjerët janë të etur, jini të etur kur të tjerët kanë frikë”- thënje e famshme e orakullit të Omahas, i cili nuk i trembet asgjëje, as kur vendos të investojë mbi kompani që ndodhen në krizë të thellë në këto pëse vitet e fundit.

Siç shkruan Wall Street Journal, përfitimi i investimeve që miliardari ka kryer para krizës aktuale shkon deri në 40%. Ndërkohë që, siç u përmend edhe më lart, shteti amerikan ka arritur një përfitim prej vetëm 12% pasi pati investuar 420 miliard dollarë në projektin Troubled asset relief program, një plan shpëtimi për sektorin automobilistik dhe bankar, por që, siç lexohet nga siti i Thesarit, i ktheu qeverisë një përfitim prej 50 miliard dollarë, pra vetëm 12% të investimit fillestar.

Gjatë krizës kompania e Buffet, Berkshire Hathaway, ka përfunduar disa marrëveshje me një investim prej 26 miliard dollarë, ndër të cilat edhe huaja prej 5 miliardash dhënë Bankës së Amerikës në 2011. //HermesNews ©2013// Na ndiqni dhe në Facebook dhe Twitter

Daniela Vathi

Dërgo me email | Stampo artikullin