11/10/2013 20:15:03

Kryenin operacione fallso, arrestohen mjekët për korrupsion

Materialet procedurale në ngarkim të tyre i kanë kaluar për ndjekje të mëtejshme organit të Prokurorisë për veprën penale të Korrupsionit pasiv

TIRANË - Nga Drejtoria e Policisë së Qarkut Korçë, u finalizua operacioni policor i koduar “KIRURGU”, duke bërë të mundur arrestimin në flagrancë të dy mjekëve, nën akuzën e korrupsionit. Pasditen e sotme, nga Seksioni kundër Korrupsionit pranë kësaj drejtorie u arrestuan shtetasit, Nikolla Vangjel Nunka, 59 vjeç, banues në Korçë, me detyrë mjek kirurg pranë spitalit civil Korçë, Ismail Gani Uzuni, 61 vjeç, banues në Pogradec, me detyre mjek reanimator pranë spitalit civil Pogradec. Këta shtetas dyshohen se në bashkëpunim me njëri-tjetrin kryenin ndërhyrje kirurgjikale të pacientëve kundrejt shumave të ndryshme. Arrestimi i tyre është bërë pas një hetimi prej rreth 2 muajsh të kryer prej strukturave të policisë, me qëllim dokumentimin e veprimtarisë së tyre. Materialet procedurale në ngarkim të tyre i kanë kaluar për ndjekje të mëtejshme organit të Prokurorisë për veprën penale të Korrupsionit pasiv të personave që ushtrojnë funksione publike të kryer në bashkëpunim, parashikuar nga nenet 259 e 25 të Kodit Penal. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin