11/10/2013 16:12:05

Ankara, sekuestrohen 350 kg drogë

Autoritetet turke dyshojnë se organizatorët e rrjetit në fjalë janë rebelët separatistë kurdë të partisë PKK

ANKARA - Policia anti-drogë dhe shërbimet sekrete turke, MIT konfiskuan sot 346 kilogramë heroinë në Stamboll gjatë një operacioni të përbashkët në metropol dhe në Hakkari, një lokalitet lindor në afërsi të kufirit iranian, njoftuan burime zyrtare. "Autoritetet turke dyshojnë se organizatorët e rrjetit në fjalë janë rebelët separatistë kurdë të partisë PKK, të cilët bëjjnë të mundur transportimin e drogës nga Irani në Europë, përmes Stambollit", citoi më tej burimi pa bërë të ditur identitetin. Njëmbëdhjetë persona, njëri prej të cilëve me kombësi iraniane, u arrestuan gjatë operacionit. Dy prej personave u liruan pasi u morrën në pyetje nga një hetues. Substanca narkotike u konfiskua në një automjet në periferinë e largët të Stambollit, Silivri. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin