10/10/2013 16:47:42

Ligji kundër terrorizmit në Kuvend: kalon me 74 vota pro

Gjatë senacës plenare, deputetja e PS-së, Ermonela Felaj, e vlerësoi si mjaft të rëndësishëm ligjin në fjalë për rrugëtimin e vendit tonë drejt Bashkimit Europian

TIRANË - Kuvendi i Shqipërisë miratoi sot me 78 vota pro dhe asnjë kundër p/ligjin për "Masat Kundër financimit të Terrorizmit". Gjatë seancës plenare të ditës së enjte, e cila u zhvillua pa praninë e opozitës, një nga pikat e rendit të ditës ishte dhe shqyrtimi i p/ligji për "Masat kundër financimit të Terrorizmit”. Deputetja e PS-së, Ermonela Felaj, e vlerësoi si mjaft të rëndësishëm ligjin në fjalë për rrugëtimin e vendit tonë drejt Bashkimit Europian.

Projektligji cakton masat kundër financimit të terrorizmit, kompetencat, marrëdhëniet ndërmjet organeve të ngarkuara me raportimin, propozimin, miratimin, kontrollin dhe zbatimin e tyre, si dhe procedurat përkatëse për secilën fazë.

Ky ligj zbatohet ndaj personave të shpallur për vepra të terrorizmit dhe të financimit të tij, të kryera brenda ose jashtë territorit të Republikës së Shqipërisë. Ky ligj zbatohet edhe për veprat penale të terrorizmit, të kryera përpara hyrjes në fuqi të këtij ligji.

Këshilli i Ministrave, sipas këtij ligji, ka kompetenca të vendosë përfshirjen në listë të personave të shpallur sipas rezolutave, si dhe marjen e masave ndaj tyre.

Sipas ligjit, Ministria e Financave do të marrë vendim mbi atë që do të bëhet me pasurinë e personave që bëhen pjesë e listës. Kështu sipas Ligjit në fjalë, Ministria e Financave, mund të kërkojë bllokim të përkohëshëm të pasurisë, sekuestrimin e saj ose ndalimin e kësaj pasurie për t’i dhënë shërbime financiare, fonde, mjete financiare ose pasuri të tjera.

Institucionet e ngarkura nga ligji për të jetësuar atë janë Këshilli i Ministrave për përcaktimin e listave, si dhe Ministria e Financës si vendimarrëse për pasurinë në ngarkim të personave që janë pjesë e listës, pra për administrimin e pasurisë. Ndërsa Drejtoria e Përgjithshme për parandalimin e Pastrimit të Parave ngarkohet për të vjelur informacione dhe për të administuar ato. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin