09/10/2013 14:54:27

KQZ shqyrton ankimimin e PD-se

PD-ja kerkon perjashtimin e kandidates se FRD-se

TIRANE- Komisioni Qendror i Zgjedhjeve po shqyrton të mërkurën kërkesën ankimore të Partisë Demokratike, që kërkon përjashtimin e kandidates së Frymës së Re Demokratike(FRD) Brikena Zeneli, nga zgjedhjet e pjesshme për kryetar bashkie në Korçë.

PD ka ankimuar në KQZ vendimin e KZAZ-së nr. 71, në Korçë, e cila ka pranuar të regjistrojë kandidaten e FRD-së në kundërshtim me kodin zgjedhor. Sipas relacionit të kërkesës ankimore të demokratëve kandidatja e FRD-së ka depozituar në KZAZ një listë me 792 firma nga 714 që iu kërkuan, të zgjedhësve të qytetit të Korçës, ndërkohë që vetëm 129 prej tyre shoqëroheshin me fotokopje të kartave të identitetit dhe firmat përkatëse të qytetarëve.

PD pretendon se KZAZ nr. 71, që drejtohet nga përfaqësues të majtë, ka pranuar të regjistrojë kandidaten Brikena Zeneli në kundërshtim me kodin zgjedhor, neni 71 i të cilit parashikon që "bashkë me nënshkrimin, çdo zgjedhës depoziton edhe fotokopjen e letërnjoftimit të vlefshëm, të nënshkruar prej tij, e cila i bashkëngjitet listës". Në këto momente KQZ ka ndërprerë mbledhjen, për të marrë më pas vendim rreth kërkesës ankimore të PD-së

HermesNews-©2013

Dërgo me email | Stampo artikullin