09/10/2013 08:09:10

Londra e interesuar për stabilitet

Britania e Madhe e mbylli ambasadën e saj në Teheran pas sulmit në nëntor 2011

LONDËR - Irani dhe Britania e Madhe, marrëdhëniet e drejtpërdrejta diplomatike mes të cilave u prishën që prej fundit të vitit 2011, do të caktojnë reciprokisht të ngarkuar me punë në pritje të rihapjes së ambasadave të të dy vendeve, deklaroi sot ministri britanik i Punëve të Jashtme, William Hague. "I shpjegova shefit të diplomacisë iraniane, Mohammad Javad Zarif se jemi në favor të kontakteve më të drejtpërdrejta dhe të përmirësimit të marrëdhënieve tona dypalëshe", deklaroi Hague përpara deputetëve në Londër. Britania e Madhe e mbylli ambasadën e saj në Teheran pas sulmit në nëntor 2011 nga qindra militantë islamikë që protestuan kundër sanksioneve të reja të Londrës ndaj Iranit për shkak të programit bërthamor. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin